சொல்லொன்று.....

February 10, 2021

உலகின் உயிரினம் அனைத்திலுமே

கொடூரமானது எதுவென்று

கேட்டதும் வருமே பதிலொன்று

மூடமனிதன் தானென்று.

பெண்ணை தெய்வம் தானென

பேணிக்காப்பார் கோவிலிலே இல்லம் வந்து சேரந்ததுமே அடித்துத் துவைப்பார் இல்லத்தரசியை!

பாலைக் கொடுக்கும் கோமாதா

குலமாதா நீ எங்களுக்கென்று

பாடிக்களிப்பார் பொங்கலன்று,

அடித்துக் கொல்வார் மறுவருடம்!

'கணேசப் பெருமான் வணங்குகிறேன்'

கன்னம் தனிலே போட்டுக் கொள்வார்

நேரில் வந்தால் யானைதனை

நெருப்பை வைத்துக் கொளுத்திடுவார்!

அனுமான் பெருமை பாடிடவே சாலீசா தினம் சொல்லிடுவார்

குரங்கைக் கயிற்றில் கட்டிவைத்து வித்தை காட்டி தான் பிழைப்பார்!

பச்சைக் கிளியே பசுங்கிளியே பாட்டுப் பாடிட வா இங்கே

எனபாடம் சொல்வார் அனுதினமும்

சின்னக் குழந்தை காதிலவர்,

அன்றில் கிளியைக் கூண்டில் அடைத்திட்டு

ஜோதிடமென்று தொழில் செய்வார்!

ஊனை உண்ண வேண்டாமென சொன்னாரன்று வள்ளுவனார், திருக்குறள் தந்த தமிழ்நாடென்று தினமும் ஆடிப் பாடுகிறோம், உயிரைக் கொன்று ஊன் தின்று

இரட்டை வேடம் போடுகிறோம்!

Comments

வெல்வெட் பூச்சி 🐞🐛 சின்னஞ்சிறு வயது தாண்டி சிறுமியாக இருந்த காலம், சுற்றிப் படர்ந்த நிலத்திலே மரங்களடர்ந்த பரப்பிலே, பல்லுயிரெங்கும் பெருகி செழித்திருந்த காலத்திலே... மேலிருந்து கீழே வந்து விழுந்து தெறித்த மழையிலே, கீழிருந்து மேல் வந்து நெளிந்து நகரும் புழுக்கள், எண்ணிலடங்கா கால்களுடன் எங்கெங்கும் ரயில் பூச்சி, செக்கச் சிவந்த நிறத்தில் நிலமெங்கும் வெல்வெட் பூச்சி.... உலாப் போக எழுந்து வந்து ஊர்ந்து போன பூச்சிகளை, தீப்பெட்டியில் போட்டெடுத்துப் பிடித்தடைக்கும் விளையாட்டு... பின்னோக்கிப் பார்க்கிறேன் பிழையென்று உணர்கிறேன்! தீப்பெட்டி திறந்தவுடன் சின்னஞ்சிறு காலெடுத்துத் தப்பித்தோட எத்தனித்த செக்கச்சிவந்த பூச்சியே, என்றும் நீ என்னையே மன்னிக்க மாட்டாயே... வாயில்லா ஜீவனதை வதைக்காதே என்று, யாரேனும் கூறி இருந்தால் கண்டிப்பாய் சிந்தித்து மாறியிருப்பேன் மனதளவில்! 🐝🦟🦗🐜🐛🦋🐞🦂🕷️🕸️🐌 சிறுவர் விளையாட்டு என்னுடைய குழந்தை மற்றும் சிறுவயது பருவத்தில், காலப்பருவங்களுக்கு ஏற்ப விளையாட்டுக்கள் மாறும். எப்போதும் இருக்கும் ஸ்கிப்பிங்குடன், காற்று காலத்தில் பட்டம் ...

புலியும் முறமும்

November 30, 2019

புலியும் முறமும் வீரத் தமிழ்நாட்டில் சங்கத்தமிழ் காலத்தில், முறத்தால் புலியை அடித்து விரட்டினாள் தனியாய்ப் பெண்ணொருவள்! தீரப்பெண்ணவள் விரட்டிய புலியது வந்ததேன் நம் வீட்டுக்குள்? தானே தான் வந்ததா? புலியின் காட்டில் புல்லை வெட்டி மானை விரட்டி, மனிதன் கட்டிய வீட்டில், தன் இருப்பிடம் தேடி வந்ததா? கொஞ்சம் கொஞ்சம் முன்னேறி காட்டின் ஓரம் சென்றோம், இன்னும் கொஞ்சம் முன்னேறி காட்டினுள்ளே செல்கின்றோம், இப்படியிந்த முன்னேற்றத்தால் காடே இல்லையாம் பின்னாளில்... புலியும் யானையும் போவதெங்கே காடுகள் இல்லா போனாலே? விலங்கின் காட்டின் உள்ளே, வீட்டைக் கட்டி நாம் போவோம், தம் இல்லம் தேடி அவை வந்தால், முறமிருக்கு அடிக்கவே மின்சாரம் இருக்கு கொல்லவே! அறிவுகள் ஆறு உள்ளன நியாய தர்மம் இல்லையே? மண்ணில் மனிதன் முக்கியம் மனிதன் மட்டுமே முக்கியம், என்ற எண்ணம் மாறி எல்லா உயிரும் தேவையென்ற நிலைப்பாடென்று வருதோ அன்றே பூமி மீண்டும் மலரும்! 👇🏼 Man animal conflict என்ற தலைப்பில் அடிக்கடி செய்தித்தாள்களில் கட்டுரைகள் வந்து போய்க்கொண்டிருக்கின்றன. முன்பெல்லாம் நான் ...

வைரஸ் வழங்கும் வாய்ப்பு

April 20, 2020

வைரஸ் வழங்கும் வாய்ப்பு கற்றது எல்லாம் வீணின்றி உற்ற துணையாய் வைத்திருக்க, என்னது கற்றோம் எதைப் பெற்றோம் என்பதைக் கொஞ்சம் எண்ணிப் பார்த்தால்..... சரித்திரம் திரும்பி வந்தது இங்கே ஆண்டுகள் நூறு ஆன பின்னே! சட்டென உலகம் ஸ்தம்பித்தது, சுதாரித்தெழ நேரமில்லை! வீட்டினுள் இருந்தால் பிழைப்பாய் மனிதா...... விடுதலை கிடைப்பதெப்பொழுதென்று, கணித்துச் சொல்வது கடினமப்பா, என்று சொன்னது வைரஸ் கிருமி! வாழ்க்கையென்றால் இதுதானா...! வல்லிய சிந்தனை வந்தது இன்று🤔! சிங்கம் புலி யானை என்று விலங்கினைக் கூண்டில் அடைத்தோம், வேடிக்கையாக்கி கேளிக்கை செய்தோம், உடன்பிறந்த உயிரையெல்லாம் கொன்று நாமும் தின்று முடித்தோம், விலங்கிடம் வாழ்ந்துவந்த கிருமி வெளியே வந்தது நம்மைத் தாக்க! 'நாமே நிலையிந்த உலகில் இல்லை' நித்திய உண்மை சத்தியமென்று விளங்கவைத்தது நமக்கது இன்று! 'மனதில் மின்னும் லட்சியங்கள், எழுந்துவரும் எண்ணங்கள், நீராய் ஓடும் நினைவுகள், எல்லாம் ஒன்றாய் சேர்த்துவைத்து, இயற்கையுடன் இயைந்த வாறு பாதை மாற்றி செலுத்திப் பாரு, எண்ணம் பின்னால் தொடரும் வாழ்க்கை எவ்வாறுள்ளதென்பதை...

விருந்து பூப்போல் அரிசி சாப்பாடு கடைந்த மொச்சை பருப்போடு, முழுசாய் பிஞ்சாய் கத்தரிக்காய் மிதக்கும் எண்ணைக் குழம்போடு, சிவந்த நிறத்தில் பக்கத்தில் வறுத்த உருளைக்கிழங்கும், பருப்புத் தண்ணி தக்காளி சேர்த்து வைத்த ரசமும், வாசத்தோடு வந்தது பாசம் நிறைந்த கைகளிலே, ஜதியுடனாடி வந்தது ஜவ்வரிசிப் பாயாசம், பரந்து விரிந்த அப்பளம் பக்கம் உப்பும் ஊறுகாய், புதிதாய் பயின்று செய்வித்த, தாவரத்தயிரும் கிண்ணத்தில்! தின்று முடித்துத் திரும்பினால் தாம்பூலத்தில் ஏலக்காய்.. சத்தாய் சுண்ணம் சேர்ந்து சிவந்த வாயில் மணந்தது! இந்தப்பக்கம் திரும்பினால் இலையோடுண்டு இன்னொரு விருந்து! மணக்கும் மட்டன் பிரியாணி தொட்டுக்கொள்ள பச்சடி, அரைத்த கோழிக் குழம்பும் அரிசிச் சோறும் சேர்ந்து, அவித்த முட்டை அருகிலே வைத்திருக்கும் இலையிலே, உப்பிருக்கு ஓரத்தில் சுக்கா வறுவல் பக்கத்தில், பள்ளிப்பாளைய வறுவலில் பதுங்கியிருந்த வரமிளகாய்! அடுத்து வந்த ரசமும் எருமைத் தயிரும் கோப்பையில், உண்ட களைப்பு ஓடிப்போக சுக்குக் காப்பி குப்பியில், நாவில் விருந்து சேரும் முன் கண்ணுக்கழகாய் காட்சி விருந்தாய்! விரு...

ஆமைப் பெண்🐢

May 17, 2020

ஆமைப் பெண்🐢 இயற்கை விஞ்ஞான உலகத்திலே சுமார் முப்பது வருடம் முன்னாலே, cane turtle ஆமையைக் காணவில்லை பல காலம்? இருக்கா இல்லையா சந்தேகம்! ஆமை பற்றிய எல்லாமே அறிந்து வருவேன் நானேயென்று கேரளநாட்டுப்பயணம் சென்று தனியே போனார் இளம் மங்கை விஜயா என்பதவர் பெயராம்! பழங்குடித் தலைவரைத் தேடிப்பிடித்து, அங்குமிங்கும் அலைந்து திரிந்து, காட்டிலுள்ள குகைக்குள்ளே தன்னந்தனியே பலநாள் இருந்து, கண்டுபிடித்தார் ஆமையை! கொண்டுவந்தார் ஒன்றிரண்டை, சென்னைப் பாம்பு பண்ணைக்கு. அதிலே சிலது முட்டையிட்டு மெல்லமெல்லக் குஞ்சு பொரிக்க, எழுபது வருடம் யாருமறியா ஆமைக்குட்டி பழக்க வழக்கம் நேரில் கண்டு பதிவுசெய்தார் விஜயா என்ற ஆமைப்பெண்ணவர்! கொண்டு வந்த ஆமை, சைவம் தான் உண்ணும் என்றிருந்த எண்ணம், மாற்றிக்காட்டும் வண்ணம், புழுவும் பூச்சியும் தின்றது, நான் அசைவம் என்று சொன்னது, ஆமையன்று விஜியிடம்! இன்னும் பல பாம்புகள் வேறு சில ஆமைகள், போன்றவற்றைப் பண்ணையில், பரிவுடனே தான் வளர்த்து குணங்களை கண்பார்த்து ஏட்டிலே தான் பதித்தார்! எந்தக் காடென்றாலும், விஜியுடன் சென்றால் கவலையில்லை, எல்லாத்திசையும் அ...

Search This Blog

A V K runs