தம்பதி

October 07, 2019

தம்பதி

இல்லத்தருகே ஓர் ஆதர்ச தம்பதி
உழைத்துண்ணும் தகுதியிழந்து
பின் வந்த காலமிது..

சுற்றிருப்போர் உதவியால்
உயிர் வாழும் நேரமிது
சேகரித்த உணவினை மனைவியானவள்
கணவர் வரும் நேரம்வரை
காத்திருந்து பகிருவார்.

வயிறார வருமுணவு சில நேரம்
பற்றாக்குறையுமுண்டு பல நேரம்,
எந்நேரமென்றாலும் உணவில் பாதி
மனம் கவர்ந்த அழகனுக்கு
கரம்பிடித்த கணவனுக்கு

அந்த அழகர் வரும் நேரமோ
உணவு நேரம் மட்டுமே
மற்ற நேரம் எங்கெங்கோ
வேலையாகச் செல்லுவார்
வெறுங்கையோடு திரும்புவார்.

உண்ணும் ஒரு முறையும்
உண்டு அழகான குடும்பத்தில்
தானுண்டு பிறகளிப்பார் அவருக்கு
அவர் உண்ட பின் தானுண்டு மகிழ்வார் சில நேரம்.

இவரைப்போல மனைவி
அமையுமோர் அதிர்ஷ்டம்
அதிகம் பேருக்கில்லையே
அடப்பாவம் நீங்களே
அழகில்லா ஆண்களே!

உணவு நேரம் முடிந்து
உறங்கப் போகும் போது
கதவின் அருகில் வந்து
நன்றி கூறும் மனைவி
மியாவ் !மியாவ் !மியாவ்!

👇🏼
நானும் என் தாய் வீட்டுக்கு வீட்டு வேலை உதவிக்கு வரும் தெய்வானை அவர்களும் அடிக்கடி பேசிக் கொள்வோம் இந்த தம்பதியைப் பற்றி,

இந்த மனைவியை போல் நாம் என்றாவது இருந்திருக்கிறோமா என்ற சந்தேகம் எங்களுக்கு உண்டு

சுமாரான மனைவி அழகான கணவர்
அவர்கள் உணவு பழக்கவழக்கங்கள் எங்களுக்கு ஆச்சரியமாக இருக்கும்!

இந்த சிறிய பாடல் அவர்களுக்கு சமர்ப்பணம் 👆

Comments

Almond coffee பாதாம் பால் காபி

October 16, 2020

புலியும் முறமும்

November 30, 2019

புலியும் முறமும் வீரத் தமிழ்நாட்டில் சங்கத்தமிழ் காலத்தில், முறத்தால் புலியை அடித்து விரட்டினாள் தனியாய்ப் பெண்ணொருவள்! தீரப்பெண்ணவள் விரட்டிய புலியது வந்ததேன் நம் வீட்டுக்குள்? தானே தான் வந்ததா? புலியின் காட்டில் புல்லை வெட்டி மானை விரட்டி, மனிதன் கட்டிய வீட்டில், தன் இருப்பிடம் தேடி வந்ததா? கொஞ்சம் கொஞ்சம் முன்னேறி காட்டின் ஓரம் சென்றோம், இன்னும் கொஞ்சம் முன்னேறி காட்டினுள்ளே செல்கின்றோம், இப்படியிந்த முன்னேற்றத்தால் காடே இல்லையாம் பின்னாளில்... புலியும் யானையும் போவதெங்கே காடுகள் இல்லா போனாலே? விலங்கின் காட்டின் உள்ளே, வீட்டைக் கட்டி நாம் போவோம், தம் இல்லம் தேடி அவை வந்தால், முறமிருக்கு அடிக்கவே மின்சாரம் இருக்கு கொல்லவே! அறிவுகள் ஆறு உள்ளன நியாய தர்மம் இல்லையே? மண்ணில் மனிதன் முக்கியம் மனிதன் மட்டுமே முக்கியம், என்ற எண்ணம் மாறி எல்லா உயிரும் தேவையென்ற நிலைப்பாடென்று வருதோ அன்றே பூமி மீண்டும் மலரும்! 👇🏼 Man animal conflict என்ற தலைப்பில் அடிக்கடி செய்தித்தாள்களில் கட்டுரைகள் வந்து போய்க்கொண்டிருக்கின்றன. முன்பெல்லாம் நான் ...

நகரும் 🐌 நத்தை

November 26, 2019

நான் மூன்றாவது படிக்கும் காலத்தில் இருந்து ஏழாவது வரை கோவை விவசாயக் கல்லூரி குவாட்டர்ஸில் குடியிருந்தோம். ஆங்கிலேயர் காலத்தில் கட்டிய சிகப்பு கலர் பெரிய பெரிய வீடுகள் அவை. சுற்றிலும் ஏக்கரா கணக்கில் காடுகள் இருக்கும் நிறைய மரம் செடி கொடிகளுடன். மரங்களில் ஒன்றில் ஊஞ்சல் கட்டி வைத்துவிடுவோம், விடுமுறையின்போது என்னை ஒத்த என் சொந்தக்காரர்கள் (கசின்ஸ்) வரும்பொழுது அந்த ஊஞ்சலில் மணிக்கணக்கில் ஆடுவோம், ஒருவர் மாற்றி ஒருவராக. அலுக்கவே அலுக்காத விளையாட்டு ஊஞ்சல், அதுவும் மரத்தில் கட்டி வெளியில் ஆடும் பொழுது. வீட்டுக்குள் இருக்கும் ஊஞ்சலை விட வெளியில் காற்றிலாடும் ஊஞ்சலே மகிழ்ச்சி அதிகம். ஊஞ்சல் ஆட்டத்திற்குப் பிறகு அங்குமிங்கும் நாங்கள் ஓடியாடி விளையாடுவோம், அல்லது மண்ணில் வீடு கட்டி விளையாடுவோம். இன்னொரு மிக விருப்பமான விளையாட்டு 'கில்லித்தாண்டு' என்பது, ஒரு மினி கிரிக்கெட் போல. மழைக்காலம் முடிந்தவுடன் நிறைய நத்தைகள் வரும், அங்குமிங்கும் மெல்ல நகர்ந்து கொண்டிருக்கும் அவற்றைத் தொட்டால் பட்டென்று தலையை உள்ளிழுத்துக் கொள்ளும், அதை பார்ப்பதில் எங்களுக்கு ஒரு ஆர்வம். அடிக்கடி இதை ச...

பொன்னாடை துணி

October 19, 2019

பொன்னாடைத் துணி தமிழர்களின் அறிவுடைமை தமிழ்நாட்டின் பழம்பெருமை தம்பட்டம் அடிக்கின்றோம் இந்நாளும் எந்நாளும். தமிழகத்தில் எல்லாரும் போர்த்துகின்ற பொன்னாடை வேறெங்கும் கண்டதில்லை நான் அறிந்த வரையிலே. இந்தப் பொன்னாடை போர்த்துவதில் பெருமை என்ன வந்ததிங்கு இன்றுவரை நானறியேன். பெருமை இல்லை பயனும் இல்லை, வீட்டுக்குப் போனவுடன் தூக்கி எறிவார் மனைவியதை! வேறென்ன செய்வது? துடைக்க அது துண்டும் இல்லை தைக்க அது துணியும் இல்லை. தூக்கி எறிய மட்டுமே ஆகுமிந்தப் பொன்னாடை, இதைப்போர்த்துகின்ற கலாச்சாரம் ஒன்றாவதொழிந்தால், தமிழ்த்திரு நாடு தன்னை பகுத்தறிவுப் பாசறை என்றழைக்கக் காரணமாய் இருக்குமே.. இல்லையெனில் இந்தப் பெயர் ஏளனமாய்த் தோணுதே! 👇🏼 MBBS முடித்து விட்டு மதுரையில் கண்ணுக்கு சிறப்பு படிப்பு படித்துக்கொண்டு இருக்கும்போது கண் சிகிச்சை முகாம்களுக்கு போவோம். சில நேரங்களில் அங்கு எங்களுக்கு பொன்னாடை போர்த்துவார்கள். நானும் அதைப் பெருமையாக கொண்டுவந்து மடித்து வைத்து விடுவேன்,எதற்கு அந்தப் பெருமை என்று நினைத்தால் இப்போது சிரிப்பு வருகிறது......... எதற்கும் பயன்படவ...

வாசலில் மண்புழு பருவ மழை காலத்தில், புறநகர் வீட்டு வாசலில் நாட்கணக்கில் ஒருமுறை நில்லாமல் பெய்த மழை! மூன்றாம் நாள் மாலை மழை விட்ட வேளை, முன்வாசல் அங்குமிங்கும், மண்புழுக்கள் கண்டோமெங்கும்! காணக்கிடைக்கா அதிசயம் கண்டதிங்கு நகரத்தில் வாசலிலே மண்புழுக்கள்!? மகனும் அதைப் பார்த்தான் விளக்கம் ஒன்று கூறினான், மழை வெள்ள மண்ணிலே மூச்சடைத்து மண் புழு வந்தது வெளியே வீட்டு வாசல் மேலே! வாசல் வாசம் ஆகா மண்ணில் வசிக்கும் நல்லுயிற்கு, வாசல் காய்ந்தால் போய்விடும் சுவாசம் அந்தப் புழுவிற்கு. மெல்லப் பிடித்தோம் ஒவ்வொன்றாய், மீண்டும் விட்டோம் மண்ணின் மேலே, புழுவின் உயிர்போகாதிருக்க! என்னது நகரில் மண்புழு! எப்படி இந்த அதிசயம்? சிந்தனை ஓடிய மனதில் புரிந்தது காரணம் மெல்ல, விவசாயமில்லா நகரில், மருந்தடிக்க மண்ணில், யாரும் இல்லை என்று. மருந்தடிக்கா மண்ணிலே வாழ வந்த மண்புழுவே! காரணம் எதுவென்றாலுமே, கண்டோம் உனையது மகிழ்ச்சியே! 👇🏼 எனக்கு ஒரு பத்து வயது இருக்கும் போது மண் புழு பரிச்சயம் ஆனது. நாங்கள் அப்பொழுது தந்தையார் வேலை பார்த்துக் கொண்டிருந்த விவசாயக்கல்லூர...

டையப்பர் 👶

May 19, 2020

சாயம் போன ஆத்தா சேலை தாத்தாவோட பழைய வேட்டி, துவைத்துத் துண்டாய்க் கிழித்து வைத்தால், சின்னச்சின்னப் பயனுண்டு! சிறு மழலை வீட்டினிலே! சின்னஞ்சிறிய குழந்தைக்கு படுத்துக்கொள்ள போர்த்திக்கொள்ள, மேலும் கீழும் அணிந்துகொள்ள, துவைத்தால் சுளுவில் காய்ந்துவிட, நைந்தால் தூக்கிப் போட்டுவிட, காசில்லாமல் கிடைத்திடுமே குழந்தைத் துணிமணிகளிங்கே! கிழிபடாத புடவையிலே தொட்டிலொன்றும் கிடைத்திடும்..! இந்தக் காலக் குழந்தை, அணிவது வேட்டி சேலையல்ல.... மரத்தை வெட்டித் தயாரிக்கும் டயாப்பர் என்னும் கோமனம்! டயப்பர் அணிந்த தோலும் ஒவ்வாமையில் சிவந்து வீங்க வலியில் குழந்தை அழுது சிவக்க, புண்ணில் நாமும் மருந்தைப் பூச, '👶 இன்றுதானே பிறந்தேன்? பிறந்துமே புண்ணா? இடர்களேதான் வாழ்க்கையா?' இன்றைய உலகின் அழிவுப்பொருளே, கழிவுப்பொருளாம் பெரும் பூதம், வளரவிடாமல் தடுக்க வேண்டும், கண்ணே இன்று நீயும் நானும்! கழிவுப் பொருளில் பெரும்பங்கு, வகிப்பதென்பது டயப்பர் இங்கு! நான்கு பருத்திப் புடவை மற்றும் வெள்ளை வேட்டியில், நினைக்க இயலா நன்மை எல்லாம் நம்மிடமே வந்துசேரும்... புதிய கோட்பாடேதுமில்லை பழ...

சிந்தனை சோம்பேறி

January 12, 2021

வழிவழி வந்த பழக்கங்களில் ஒன்றிப் போவதில் பல வசதிகள் உண்டு - சிந்தனை சோம்பேறிகளாக இருந்து கொள்ளலாம். பன்பாட்டைப் பாதுகாக்கிறோம் என்ற பெருமையும் சேர்ந்து கொள்ளும். அதே வேளை அந்தப் பழக்கங்கள் நமக்கு இடையூறாக இருக்கும் போது நம் சிந்தனை சுறுசுறுப்பாகி பட்டென்று விழித்துக் கொண்டு, அந்தப்பழக்கங்கள் தவறு என்ற கருத்தை யாராவது முன்வைத்தால், உடனே அதை ஏற்றுக்கொண்டு பலவவற்றை மாற்றி விடவும் செய்கிறது. பெண்கள் வேலைக்குப் போவது,மற்றும் பெண்களின் உடையில் மாற்றம் எல்லாம் இப்படி வந்தவை தான். இது போன்ற வசதிக்கு ஏதுவான சமூக மாற்றங்கள் வரும் பொழுது, முன்னோர்கள் செய்தது, பழங்காலந்தொட்டு வரும் பன்பாடு என்பதை எல்லாம் நாம் பெரிதாக காதில் வாங்கிக் கொள்வதில்லை. யாரோ ஒன்றிரண்டு பேர் கூறினாலும் அதை நாம் அசட்டையாக விட்டு விட்டு வேண்டியதை செய்து கொள்கிறோம். இன்று கிட்டத்தட்ட புடவை கட்டுவது பலருக்கு மறந்து போய்விட்டது. அதில் தவறுமில்லை, அதைப் பற்றி எனக்கு எந்த வருத்தமும் இல்லை. ஏனென்றால் நானும் இப்படித்தான் மாறிவிட்டேன், சவுகரியமான உடை அணிவதில் என்ன தவறு? புடவையில் உள்ள பல சிரமங்களினால், புடவையே இனிம...

நனிசைவ தயிர் Vegan curd

October 26, 2020

Search This Blog

A V K runs