வெள்ளை உப்புமா

October 11, 2019

வெள்ளை உப்புமா

'அம்மா வெள்ளை உப்புமா
எனக்கு வேண்டும், எப்பம்மா'?
விடிந்ததும் செய்றேன் தங்கமே!

கெட்டிச் சட்டி,
கடலெண்ணெய் ஊற்றிக், காயக் கடுகும் பருப்பும்
போட்டுப் பொரியப்,
பச்சை மிளகாய்,
உடனே சேரும் வெங்காயம்,
மணக்கக் கலக்கும் கருவேப்பிலை,
கூடச் செல்லும் இஞ்சித் துண்டு
வதக்கித் தண்ணீர் - நாலுக்கொன்று

அருகில் ரவையை வறுத்து
கொதிக்கும் நீரில் போட்டு
அளவாய் உப்பு சேர்த்து
கிளறிக் கிளறி மூடும் முன்
மீண்டும் ஒரு முறை கடலெண்ணெய்

பதமாய் வெந்ததும்
அடுப்பை அனைத்து
பத்து நிமிடம் புழுங்கவிட்டு
எடுக்க வேண்டும் உணவுத் தட்டு

பஞ்சின் மென்மை உப்புமா
பக்கம் சேரும் சர்க்கரை
வாயில் போட்டால் அம்மம்மா
ஏழை வீட்டின் சொர்க்கம் அம்மா!

பிகு:
பணமுள்ள கனவான்கள்
போடுங்கள் பட்டானி
சத்துள்ள உணவாகும்
நெய் கொஞ்சம் சேர்த்தாலே!

👇🏼

செக்கில் அரைத்த கடலை எண்ணெய் வாங்கிவரச் சென்றேன் அம்மாவுடன்.
எண்ணையின் மணம் மூக்கில் ஏறியதும் முதலில் நினைவில் வந்தது வெள்ளை உப்புமா.
அம்மா செய்யும் பதமான வெள்ளை உப்புமா எனக்கு மிகவும் பிடித்த ஒன்று.
உப்புமா என்றாலே பல பேர் முகம் சுளிப்பார்கள்,
ஆனால் எனக்கு அது பிடிக்கும்.

வெள்ளை நிறத்தில் நடுநடுவே கருவேப்பிலை, சின்ன வெங்காயம், பச்சை மிளகாய், பார்க்கவும் ஒரு அழகு.
கிட்டத்தட்டத் தினமும் செய்தாலும் அலுக்காமல் உண்ணலாம்..

அதன் சிறப்பம்சமே கடலெண்ணெயின் மணம்தான்..
தொட்டுக்கொள்ள சர்க்கரை மற்றும் தேங்காய் சட்னி இரண்டுமே சிறப்பு.

நான் சிறு குழந்தையாய் இருந்தபோது வெள்ளை உப்புமாவை நெய் விட்டுக் கலக்கி ,உருட்டி, சர்க்கரையில் புரட்டி, தட்டில் அம்மா வைத்தது இன்னும் நினைவில் இருக்கிறது....

கடந்த சில மாதங்களாக என் தாய் உடல் நலம் இல்லாமல் இருக்கிறார். அவருக்கு இதே வெள்ளை உப்புமாவை வாரம் மூன்று நாள் காலை உணவாக நான் செய்து தருகிறேன் அவரும் விரும்பி உண்ணுகிறார்.
அவருக்கும் அது மிகவும் பிடித்த உணவு.

எனக்குத் திருமணமான புதிதில் என் கணவருக்கு உப்புமா என்றாலே ஆகாது, தூர ஓடிவிடுவார். இதற்குக் காரணமாக அவர் கூறியது ஹாஸ்டலில் கொடுக்கும் உப்புமாவைப் பல வருடங்களாக சாப்பிட்டு முகத்தில் அடித்தது போல் ஆகிவிட்டது என்று.
ஆனால் நான் செய்து கொடுத்து சாப்பிட்டுப் பழகி இப்பொழுதெல்லாம் அவருக்கும் மிகவும் பிடிக்கிறது.

Comments

A minute to ponder 🤔🤔 Two to cook 🍋🌶️

May 25, 2021

சுலப சாம்பாரும் சிந்திக்க ஒரு நிமிடம்

July 11, 2021

வீகனிஸம் என்ற வார்த்தையை பயன்படுத்தினாலே உடனே அனைவருக்கும் இது மேற்கத்திய கருத்து, வெளிநாட்டுக் கருத்துக்களை உபயோகப்படுத்த மாட்டோம், என்று திடீரென்று தாய்நாட்டின் பேரில் ஒரு பாசம் பொங்கி வழிகிறது. யோகா பற்றி பல புத்தகங்கள் இன்று வெளிநாட்டில் இருந்து வருகின்றன. நம் புத்தகங்களை விட மிகவும் அழகாக, நாம் புரிந்து கொண்டதை விட யோகாவைப் பற்றி அவர்கள் புரிந்துகொண்டு எழுதி இருக்கிறார்கள். அப்படி என்றால் யோகா வெளிநாட்டுக் கருத்தா? வெளிநாட்டில் உருவானதா? அகிம்சா வெளிநாட்டு கருத்தா? புலால் உண்ண வேண்டாம் என்று கூறும் தமிழர்களின் உயிர் நாடி புத்தகம் - திருக்குறள், வெளிநாட்டிலிருந்து வந்ததா? அகிம்சையும் திருக்குறளும் போதிக்கும் உயிர் கொல்லாமையை தான் வீகனிஸமும் குறிக்கிறது... அது ஒரு பெயர், ஒரு வார்த்தை, அவ்வளவே...! உயிர் கொல்லாமையை போதிக்கும் சமண மதம் வெளிநாட்டிலிருந்து வந்ததா? அப்படிப் பார்த்தால் கிறிஸ்துவ மதமும் இஸ்லாமிய மதமும் வெளிநாட்டிலிருந்து வந்த மதங்கள் தான். அவைகளை நாம் கைவிட போகிறோமா....? இன்று நம் நாட்டில் நம் கையால் தொட்டு புழங்கும் பல சாமான்கள் கார்,கைபேசி, பாத்திரம் கழுவும் இயந்திரம்

விருட்சம்

October 12, 2019

விருட்சம் அடர்ந்த வனம் ஆயிரம் மரங்கள் விடியற்காலை பறவை ஒலிகள் துணையாய் நிற்கும் நிசப்த ஓசை உள்ளே இருப்பது வேறோர் உலகம் நமக்குபுதியது உண்மையில் பழையது. அடர்ந்தவனம் ஆயிரம் மரங்கள் உள்ளே சென்றால் புரியும் நமக்கு எத்துனை சிறியவர் நாம் தான் என்பது எதுவும் இல்லை கவலை என்று ! அடர்ந்த வனம் ஆயிரம் மரங்கள் உயிரைக் கொடுக்கும் பிராண வாயு நிறைந்து இருக்கும் என்றும் அங்கே பூமியைக் காக்கும் பல்லுயிர் பெருக்கம் அங்கே இருக்கும் வனத்தின் உள்ளே. அடர்ந்த வனம் ஆயிரம் மரங்கள் தியானம் செய்யத் தகுந்த இடம் ஞானம் பிறக்க உகந்த இடம் வாழ்வின் குறியே ஞானம் அல்லவா ஞானம் வந்தபின் வேறென்ன வேண்டும் சிறிய நகரம் நெருக்கும்வீடுகள் மனிதக் கூட்டம் வியர்வை நாற்றம் ஓட்டம் ஓட்டம் எங்கோ ஓட்டம் ஏன் என்றறியா வேக ஓட்டம் எதற்கோ அவசரம் புரியா மனம் காசு பணம் அடிக்கும் இதயம் சிறிய நகரம் நெருக்கும் வீடுகள் சுகந்த மணம் வீசும் காற்று நெஞ்சம்நிறைய உள்ளம் உவக்க அமைதியாகச் அமரச் சொல்லும் அடர்ந்த வனம் ஆயிரம் மரங்கள். ஆயிரம் மரங்களை அறுத்து விற்று நடுவில் சிமெண்டில் கட்டிடம் போட்டு அலங்கார மர

புகைபோக்கி

August 09, 2020

நகரும் 🐌 நத்தை

November 26, 2019

நான் மூன்றாவது படிக்கும் காலத்தில் இருந்து ஏழாவது வரை கோவை விவசாயக் கல்லூரி குவாட்டர்ஸில் குடியிருந்தோம். ஆங்கிலேயர் காலத்தில் கட்டிய சிகப்பு கலர் பெரிய பெரிய வீடுகள் அவை. சுற்றிலும் ஏக்கரா கணக்கில் காடுகள் இருக்கும் நிறைய மரம் செடி கொடிகளுடன். மரங்களில் ஒன்றில் ஊஞ்சல் கட்டி வைத்துவிடுவோம், விடுமுறையின்போது என்னை ஒத்த என் சொந்தக்காரர்கள் (கசின்ஸ்) வரும்பொழுது அந்த ஊஞ்சலில் மணிக்கணக்கில் ஆடுவோம், ஒருவர் மாற்றி ஒருவராக. அலுக்கவே அலுக்காத விளையாட்டு ஊஞ்சல், அதுவும் மரத்தில் கட்டி வெளியில் ஆடும் பொழுது. வீட்டுக்குள் இருக்கும் ஊஞ்சலை விட வெளியில் காற்றிலாடும் ஊஞ்சலே மகிழ்ச்சி அதிகம். ஊஞ்சல் ஆட்டத்திற்குப் பிறகு அங்குமிங்கும் நாங்கள் ஓடியாடி விளையாடுவோம், அல்லது மண்ணில் வீடு கட்டி விளையாடுவோம். இன்னொரு மிக விருப்பமான விளையாட்டு 'கில்லித்தாண்டு' என்பது, ஒரு மினி கிரிக்கெட் போல. மழைக்காலம் முடிந்தவுடன் நிறைய நத்தைகள் வரும், அங்குமிங்கும் மெல்ல நகர்ந்து கொண்டிருக்கும் அவற்றைத் தொட்டால் பட்டென்று தலையை உள்ளிழுத்துக் கொள்ளும், அதை பார்ப்பதில் எங்களுக்கு ஒரு ஆர்வம். அடிக்கடி இதை ச

சிந்திக்க ஒரு நிமிடம்

July 29, 2021

🤔 சட்டம் மாறினால்......🙂 சில நாட்களுக்கு முன்பு ஒரு டாக்குமென்டரி படம் பார்த்துக்கொண்டிருந்தேன். இரண்டாம் உலகப் போரின் பொழுது ஹிட்லர் ஏற்படுத்திய பேரழிவிலிருந்து தப்பித்தவர்களை பேட்டிக் கண்டிருந்த ஒரு டாக்குமெண்ட்ரி படம். அதில் வந்த சில காணொளிகளை பார்த்த பொழுது.... இப்பொழுது விலங்குகளை லாரிகளிலும் ட்ரக்குகளிலும் ஏற்றிச்சென்று கொல்லும் காட்சிக்கும் அதற்கும் எந்த வித்தியாசமும் இல்லை.... பல நாட்கள் சோறு தண்ணி இல்லாமல் எலும்பும் தோலுமாக இருந்த மனிதர்களை ரயில் வண்டிகளில் ஒவ்வொரு பெட்டியிலும் அடைத்து ஆஸ்ட்விச் என்ற ஊருக்கு ஏற்றிச் சென்று கொண்டிருந்தார்கள். போகும் முன்னே பலர் இறந்து விடுவார்கள். உயிரோடு தப்பித்தவர்களை அந்த ஊரில் இதற்காகவே கட்டிய சில கட்டிடங்களில் நச்சுக் காற்று மூலம் கொன்றுவிடுவார்கள். இன்று மேற்கத்திய நாடுகளில் ஆறு மாதங்களேயான பன்றி குட்டிகளை அப்படித்தான் கொன்று தின்கிறார்கள். அன்று நடந்தது முட்டாள்தனமான ஒரு நம்பிக்கையினால் வந்த பேரழிவு. இன்று இது பெரும் வியாபாரம், ஏகப்பட்ட பணம் புழங்கும் வியாபாரம். மற்றும் மனித சமுதாயத்திற்கு உணவளிக்கிறோம் என்ற ஒரு சப்பைக்கட்டு . ஏன் த

செடி கொடிக்கும் வலிக்குமே....!

May 16, 2021

செடிக்கும் கொடிக்கும் உயிர் உண்டே, வெட்டும்போது வலிக்காதா என்றே கேட்கும் அன்பர்களுக்குக் கேள்வி ஒன்றை வைக்கின்றேன்- நெஞ்சைத் தொட்டு கூறுங்கள்! ஆட்டுக்கறியும் மாட்டுக் கறியும் பன்றிக் கறியும் சிக்கன்துண்டும் முட்டை பாலும் மீன் குழம்பும் ருசியில் மணத்தில் குறைவாய்ப் போனால்- தாவர உணவினும் .....ருசியில் மிகவும் குறைவாய்ப் போனால், 'ஐயோ!.. செடிக்கு வலிக்குமே! நாவின் சுவை குறைவென்றாலும், ஆடே வெட்டித் தின்கிறேன்'! அதுவே போதும் என்பீரா? இல்லை! இல்லை! ருசிதான் வேண்டும் செடியை வெட்டித்தாருங்கள் என்று வாங்கி உண்பீரா? ☘️🌱🌿🌶️🥭🍊🍑🍉🍎🍒☘️🌱🌿 பல வருடங்களாக அசைவ உணவு உண்டவர்கள்தான் இன்று நனி- சைவமாக மாறி இருக்கும் பல பேர். அவர்களுக்கெல்லாம் தெரியும்- எனக்கும் தெரியும்...... அசைவ உணவு உண்பதற்கு ஒரே காரணம் அதன் ருசி தான், வேறு எந்த காரணம் கூறினாலும் அவை எல்லாம் சரக்குப் போக்கு தான். இதை அடித்து கூறுகிறேன்- ஏனென்றால் நானும் பல வருடங்களாக விரும்பி சிக்கன் சிக்கன் பிரியாணி, மீன் குழம்பு சாதம், ஆம்லெட், தயிர் மற்றும் கறந்த பாலில் பிரெஷாகத் தயாரித்த பில்டர் காபி அனைத்தும் சாப்பிட்டுக் கொ

சிந்தனை சோம்பேறி

January 12, 2021

வழிவழி வந்த பழக்கங்களில் ஒன்றிப் போவதில் பல வசதிகள் உண்டு - சிந்தனை சோம்பேறிகளாக இருந்து கொள்ளலாம். பன்பாட்டைப் பாதுகாக்கிறோம் என்ற பெருமையும் சேர்ந்து கொள்ளும். அதே வேளை அந்தப் பழக்கங்கள் நமக்கு இடையூறாக இருக்கும் போது நம் சிந்தனை சுறுசுறுப்பாகி பட்டென்று விழித்துக் கொண்டு, அந்தப்பழக்கங்கள் தவறு என்ற கருத்தை யாராவது முன்வைத்தால், உடனே அதை ஏற்றுக்கொண்டு பலவவற்றை மாற்றி விடவும் செய்கிறது. பெண்கள் வேலைக்குப் போவது,மற்றும் பெண்களின் உடையில் மாற்றம் எல்லாம் இப்படி வந்தவை தான். இது போன்ற வசதிக்கு ஏதுவான சமூக மாற்றங்கள் வரும் பொழுது, முன்னோர்கள் செய்தது, பழங்காலந்தொட்டு வரும் பன்பாடு என்பதை எல்லாம் நாம் பெரிதாக காதில் வாங்கிக் கொள்வதில்லை. யாரோ ஒன்றிரண்டு பேர் கூறினாலும் அதை நாம் அசட்டையாக விட்டு விட்டு வேண்டியதை செய்து கொள்கிறோம். இன்று கிட்டத்தட்ட புடவை கட்டுவது பலருக்கு மறந்து போய்விட்டது. அதில் தவறுமில்லை, அதைப் பற்றி எனக்கு எந்த வருத்தமும் இல்லை. ஏனென்றால் நானும் இப்படித்தான் மாறிவிட்டேன், சவுகரியமான உடை அணிவதில் என்ன தவறு? புடவையில் உள்ள பல சிரமங்களினால், புடவையே இனிமேல் உபயோகிப்பத

வெட்டும் நேரம் வளரும் நேரம்

November 17, 2019

நகரங்கள் வளர வளர சாலை விரிவாக்கங்களும் நடக்கின்றன. அதில் நாமெடுக்கும் முதலடி மரங்களை வெட்டுவது. நான் என் வாழ்நாளில் பெரும் பகுதியைக் கழித்தது கோவையில் . தற்சமயம் திருப்பூரில். நான் பள்ளியிலும் கல்லூரியிலும் படித்த காலத்தில், கோவை மேட்டுப்பாளையம் ரோட்டில் துடியலூர் அருகில் குடியிருந்த எங்கள் சித்தியின் இல்லத்துக்கு அடிக்கடி செல்வோம். பெரும்பாலும் பஸ்ஸில் கூட்டம் இருக்காது. ரோட்டில் இருபுறமும் அடர்த்தியான புளிய மரங்கள் இருக்கும். பஸ் பயணத்தின் அலுப்பே இல்லாமல் அன்றலர்ந்த மலர்கள் போல போய் இறங்குவோம். இன்று அந்த ரோட்டில் போனால் மரங்களும் இல்லை, மரத்தை வெட்டியதனால் போக்குவரத்து நெரிசலும் பெரிதாகக் குறையவில்லை, வெகு நேரம் காத்திருக்க வேண்டி இருக்கிறது. ஏதோ ஒரு வெளிநாட்டில் மரங்களை வெட்டாமல் சாலை அகலப்படுத்தும் வேலை நடக்கிறது என்று வலைத்தளத்தில் பார்த்தேன். 'மனமிருந்தால் வழியுண்டு' நமக்கு அதைப்போல் செய்ய மனமில்லை என்று தோன்றுகிறது. சமீபத்தில் திருப்பூரில் தாராபுரம் ரோட்டில் கிட்டத்தட்ட 5 அடி விட்டமுள்ள மரங்கள் பலதை வெட்டினார்கள். சாய்ந்து கிடந்த அந்த மரங்களைப் பார்த்தா

பொன்னாடை துணி

October 19, 2019

பொன்னாடைத் துணி தமிழர்களின் அறிவுடைமை தமிழ்நாட்டின் பழம்பெருமை தம்பட்டம் அடிக்கின்றோம் இந்நாளும் எந்நாளும். தமிழகத்தில் எல்லாரும் போர்த்துகின்ற பொன்னாடை வேறெங்கும் கண்டதில்லை நான் அறிந்த வரையிலே. இந்தப் பொன்னாடை போர்த்துவதில் பெருமை என்ன வந்ததிங்கு இன்றுவரை நானறியேன். பெருமை இல்லை பயனும் இல்லை, வீட்டுக்குப் போனவுடன் தூக்கி எறிவார் மனைவியதை! வேறென்ன செய்வது? துடைக்க அது துண்டும் இல்லை தைக்க அது துணியும் இல்லை. தூக்கி எறிய மட்டுமே ஆகுமிந்தப் பொன்னாடை, இதைப்போர்த்துகின்ற கலாச்சாரம் ஒன்றாவதொழிந்தால், தமிழ்த்திரு நாடு தன்னை பகுத்தறிவுப் பாசறை என்றழைக்கக் காரணமாய் இருக்குமே.. இல்லையெனில் இந்தப் பெயர் ஏளனமாய்த் தோணுதே! 👇🏼 MBBS முடித்து விட்டு மதுரையில் கண்ணுக்கு சிறப்பு படிப்பு படித்துக்கொண்டு இருக்கும்போது கண் சிகிச்சை முகாம்களுக்கு போவோம். சில நேரங்களில் அங்கு எங்களுக்கு பொன்னாடை போர்த்துவார்கள். நானும் அதைப் பெருமையாக கொண்டுவந்து மடித்து வைத்து விடுவேன்,எதற்கு அந்தப் பெருமை என்று நினைத்தால் இப்போது சிரிப்பு வருகிறது......... எதற்கும் பயன்படவில்லை துட

Search This Blog

A V K runs