உதவிக்கு வந்த மணாளன்

October 07, 2019

மணாளன் ஃப்ரைடே

வலைப்பதிவும் முகநூலும் விருப்பமாய் நான் கேட்க
அறிமுகம் செய்தது யாரம்மா
சேரன் செல்வகுமாரனவன்
என்னை மாலையிட்ட மணாளனவன்

திருத்தங்கள் செய்வது யாரம்மா
அதுவும் அவனேதானம்மா
சம்பளமில்லா வேலைக்காரன்
கணவன் அன்றி யாரம்மா
நன்றிகள் உண்டு அவனுக்கு
நயமாய் சொல்லிக் கொடுத்ததற்கு

நான் மருத்துவத் தொழிலைப் படிக்காமல்,
எழுத்து தொழிலை எடுத்திருந்தால்
இன்னும் நன்றாய் இருந்திருக்கும்
கூறுகிறார் இந்தக் கனவான் !

எனக்குத் தோனுவதென்னவென்றால்
எதற்கும் ஒரு நேரம் உண்டு
அது நடக்க ஒரு காலம் உண்டு !
எழுத வந்த நேரமிது

இதுவே நல்ல நேரமென்று

வலைப்பதிவிலும் முகநூலிலும் என் எண்ணங்களைப் பதிவு செய்ய வேண்டும் என்று நான் விரும்பிய பொழுது, இதுபோன்ற விஷயங்களில் துளிக்கூட அறிமுகமில்லாத எனக்கு, 3500 கிலோமீட்டர் தூரத்தில் இருக்கும் செல்வகுமார் (கணினி மென்பொருள் விஞ்ஞானி) கைப்பேசியின் மூலம் எனக்கு உதவினார். - அவர் என் கணவரும் கூட.

சினிமா பார்ப்பதற்கு மட்டுமே நான் என் 'மேக்' (Mac) கணினியைப் பயன்படுத்தி இருக்கிறேன், ஆனால் நான் அதற்கு போட்ட பணத்திற்கு மேலேயே அது எனக்கு சினிமா காண்பித்து விட்டது. அவ்வளவு தூரம் நான் ரசித்துப் பார்த்திருக்கிறேன்-சினிமா படங்களை. பல நாட்களில் வேலை நேரம் போக மீதி நேரமெல்லாம் சினிமாதான். அதன் மூலம் நான் எழுதுவேன் என்று நிச்சயமாக நினைத்ததில்லை. இப்பவும் அதன்மூலம் எழுதவில்லை.
😄 கைப்பேசி மூலம் எழுதினேன்.

!

Comments

படமும் புத்தகமும்

March 29, 2020

வைரஸ் வழங்கும் வாய்ப்பு

April 20, 2020

வைரஸ் வழங்கும் வாய்ப்பு கற்றது எல்லாம் வீணின்றி உற்ற துணையாய் வைத்திருக்க, என்னது கற்றோம் எதைப் பெற்றோம் என்பதைக் கொஞ்சம் எண்ணிப் பார்த்தால்..... சரித்திரம் திரும்பி வந்தது இங்கே ஆண்டுகள் நூறு ஆன பின்னே! சட்டென உலகம் ஸ்தம்பித்தது, சுதாரித்தெழ நேரமில்லை! வீட்டினுள் இருந்தால் பிழைப்பாய் மனிதா...... விடுதலை கிடைப்பதெப்பொழுதென்று, கணித்துச் சொல்வது கடினமப்பா, என்று சொன்னது வைரஸ் கிருமி! வாழ்க்கையென்றால் இதுதானா...! வல்லிய சிந்தனை வந்தது இன்று🤔! சிங்கம் புலி யானை என்று விலங்கினைக் கூண்டில் அடைத்தோம், வேடிக்கையாக்கி கேளிக்கை செய்தோம், உடன்பிறந்த உயிரையெல்லாம் கொன்று நாமும் தின்று முடித்தோம், விலங்கிடம் வாழ்ந்துவந்த கிருமி வெளியே வந்தது நம்மைத் தாக்க! 'நாமே நிலையிந்த உலகில் இல்லை' நித்திய உண்மை சத்தியமென்று விளங்கவைத்தது நமக்கது இன்று! 'மனதில் மின்னும் லட்சியங்கள், எழுந்துவரும் எண்ணங்கள், நீராய் ஓடும் நினைவுகள், எல்லாம் ஒன்றாய் சேர்த்துவைத்து, இயற்கையுடன் இயைந்த வாறு பாதை மாற்றி செலுத்திப் பாரு, எண்ணம் பின்னால் தொடரும் வாழ்க்கை எவ்வாறுள்ளதென்பதை...

புலியும் முறமும்

November 30, 2019

புலியும் முறமும் வீரத் தமிழ்நாட்டில் சங்கத்தமிழ் காலத்தில், முறத்தால் புலியை அடித்து விரட்டினாள் தனியாய்ப் பெண்ணொருவள்! தீரப்பெண்ணவள் விரட்டிய புலியது வந்ததேன் நம் வீட்டுக்குள்? தானே தான் வந்ததா? புலியின் காட்டில் புல்லை வெட்டி மானை விரட்டி, மனிதன் கட்டிய வீட்டில், தன் இருப்பிடம் தேடி வந்ததா? கொஞ்சம் கொஞ்சம் முன்னேறி காட்டின் ஓரம் சென்றோம், இன்னும் கொஞ்சம் முன்னேறி காட்டினுள்ளே செல்கின்றோம், இப்படியிந்த முன்னேற்றத்தால் காடே இல்லையாம் பின்னாளில்... புலியும் யானையும் போவதெங்கே காடுகள் இல்லா போனாலே? விலங்கின் காட்டின் உள்ளே, வீட்டைக் கட்டி நாம் போவோம், தம் இல்லம் தேடி அவை வந்தால், முறமிருக்கு அடிக்கவே மின்சாரம் இருக்கு கொல்லவே! அறிவுகள் ஆறு உள்ளன நியாய தர்மம் இல்லையே? மண்ணில் மனிதன் முக்கியம் மனிதன் மட்டுமே முக்கியம், என்ற எண்ணம் மாறி எல்லா உயிரும் தேவையென்ற நிலைப்பாடென்று வருதோ அன்றே பூமி மீண்டும் மலரும்! 👇🏼 Man animal conflict என்ற தலைப்பில் அடிக்கடி செய்தித்தாள்களில் கட்டுரைகள் வந்து போய்க்கொண்டிருக்கின்றன. முன்பெல்லாம் நான் ...

விருந்து பூப்போல் அரிசி சாப்பாடு கடைந்த மொச்சை பருப்போடு, முழுசாய் பிஞ்சாய் கத்தரிக்காய் மிதக்கும் எண்ணைக் குழம்போடு, சிவந்த நிறத்தில் பக்கத்தில் வறுத்த உருளைக்கிழங்கும், பருப்புத் தண்ணி தக்காளி சேர்த்து வைத்த ரசமும், வாசத்தோடு வந்தது பாசம் நிறைந்த கைகளிலே, ஜதியுடனாடி வந்தது ஜவ்வரிசிப் பாயாசம், பரந்து விரிந்த அப்பளம் பக்கம் உப்பும் ஊறுகாய், புதிதாய் பயின்று செய்வித்த, தாவரத்தயிரும் கிண்ணத்தில்! தின்று முடித்துத் திரும்பினால் தாம்பூலத்தில் ஏலக்காய்.. சத்தாய் சுண்ணம் சேர்ந்து சிவந்த வாயில் மணந்தது! இந்தப்பக்கம் திரும்பினால் இலையோடுண்டு இன்னொரு விருந்து! மணக்கும் மட்டன் பிரியாணி தொட்டுக்கொள்ள பச்சடி, அரைத்த கோழிக் குழம்பும் அரிசிச் சோறும் சேர்ந்து, அவித்த முட்டை அருகிலே வைத்திருக்கும் இலையிலே, உப்பிருக்கு ஓரத்தில் சுக்கா வறுவல் பக்கத்தில், பள்ளிப்பாளைய வறுவலில் பதுங்கியிருந்த வரமிளகாய்! அடுத்து வந்த ரசமும் எருமைத் தயிரும் கோப்பையில், உண்ட களைப்பு ஓடிப்போக சுக்குக் காப்பி குப்பியில், நாவில் விருந்து சேரும் முன் கண்ணுக்கழகாய் காட்சி விருந்தாய்! விரு...

ஒரே மரம்

April 16, 2020

ஒரே மரம் 🌿 வீசிய காற்றில் வீழ்ந்ததும் இரண்டு வீட்டின் இடையிருந்த இரும்பு வேலி மேலே சாய்ந்து, முக்கால்வாசி சாய்ந்த நிலையில் எங்கள் வீட்டுப் பின்பக்கம் நீண்டு நின்ற முருங்கைமரம்! விழுந்த பின்னும் உயிரோடு வாழ வைக்கும் அருமை மரம்! சாளரமருகில் சிறிய இலைகள் சலசலவென்று காற்றில் ஆட, பூத்துக் குலுங்கும் வெள்ளைப் பூவில் பறந்தமரும் தேனீக்கள், கண்ணுக்கினிய விருந்தாகும் வீட்டுச் சிறையினுள்ளே நமக்கு! கண்ணென்ன கண்ணே, கண் மட்டும் இல்லை, கரோனாகாலக் கஷ்டத்தில் வயிற்றுக்கும் விருந்தாய் வருவேன் நானே, என்றதந்த முருங்கையிலை! வானலியில் நல்லெண்ணை வாசனைக்குப் பூண்டுப்பல்லு வதக்கி விட்ட வெங்காயம் 🌰 உடன் வதங்கும் தக்காளி 🍅 இறுதியாக கை நிறைய இறங்கும் இந்த இலையும் பூவும் 🌿 அனைத்தும் வதங்கி ஆறியபின்னே மின்அம்மியில் அரைத்தெடுத்து தேவைக்களவாய் நீரைக்கலந்து அடுப்பின் மேலே கொதிக்க விட்டால் அருமையான முருங்கை சூப்! இறக்கியபின் பால் சேர்த்து உப்பும் மிளகும் உடன் சேர்த்தால் ருசியில் தூக்கும் இந்த சூப்!🍵 தேனி வந்து தேனருந்த🐝 இலையும் பூவும் மயிலுண்ண அணில்கள் ஆடி ஆட்டம் போட...

வெல்வெட் பூச்சி

May 26, 2020

வெல்வெட் பூச்சி 🐞🐛 சின்னஞ்சிறு வயது தாண்டி சிறுமியாக இருந்த காலம், சுற்றிப் படர்ந்த நிலத்திலே மரங்களடர்ந்த பரப்பிலே, பல்லுயிரெங்கும் பெருகி செழித்திருந்த காலத்திலே... மேலிருந்து கீழே வந்து விழுந்து தெறித்த மழையிலே, கீழிருந்து மேல் வந்து நெளிந்து நகரும் புழுக்கள், எண்ணிலடங்கா கால்களுடன் எங்கெங்கும் ரயில் பூச்சி, செக்கச் சிவந்த நிறத்தில் நிலமெங்கும் வெல்வெட் பூச்சி.... உலாப் போக எழுந்து வந்து ஊர்ந்து போன பூச்சிகளை, தீப்பெட்டியில் போட்டெடுத்துப் பிடித்தடைக்கும் விளையாட்டு... பின்னோக்கிப் பார்க்கிறேன் பிழையென்று உணர்கிறேன்! தீப்பெட்டி திறந்தவுடன் சின்னஞ்சிறு காலெடுத்துத் தப்பித்தோட எத்தனித்த செக்கச்சிவந்த பூச்சியே, என்றும் நீ என்னையே மன்னிக்க மாட்டாயே... வாயில்லா ஜீவனதை வதைக்காதே என்று, யாரேனும் கூறி இருந்தால் கண்டிப்பாய் சிந்தித்து மாறியிருப்பேன் மனதளவில்! 🐝🦟🦗🐜🐛🦋🐞🦂🕷️🕸️🐌 சிறுவர் விளையாட்டு என்னுடைய குழந்தை மற்றும் சிறுவயது பருவத்தில், காலப்பருவங்களுக்கு ஏற்ப விளையாட்டுக்கள் மாறும். எப்போதும் இருக்கும் ஸ்கிப்பிங்குடன், காற்று காலத்தில் பட்டம் ...